Një sherr që duket se ka ndodhur mes dy gjimnazisteje në Sarandë ka marrë për keq: njera prej tyre, 18-vjeçarja E.M e ka shtyrë dhe hedhur nga shkallët me dashje, një maturante tjetër me iniciale R.B, 19 vjeçe.
Nuk dihet arsyeja e përplasjes midis tyre, por situatën e kanë marrë në dorë hetuesit e krimit në Komisariatin e Policisë Sarandë, të cila ia përcollën çështjen Prokurorisë pranë Gjykatës së Shkallës së Parë Sarandë, për veprën penale “Dëmtime të tjera me dashje”, në ngarkim të shtetases E. M, 18 vjeçe, banuese në Sarandë.
Policia tha se në ambientet e brendshme të shkollës, ajo ka hedhur nga shkallët shtetasen R. B., 19 vjeçe. Materialet i kaluan Prokurorisë, për veprime të mëtejshme.
