Një 32-vjeçar shqiptar është dhunuar për vdekje gjatë një sherri në një lokal. Ngjarja ka ndodhur mbrëmë në Viale Teosa të Italisë. Sipas mediave vendase, 32-vjeçari u dërgua në spital në gjendje të rëndë, por nuk mundi të mbijetonte për shkak të plagëve që kishte në trup.
Autor i kësaj ngjarje është gjithashtu një shqiptar. Pas krimit ai u arratis, por u arrestua pak orë më vonë nga policia. 32-vjeçari jetonte në Chiari dhe mbrëmjen e djeshme kishte shkuar në një lokal në Teosa. Ai u konfliktua me një person tjetër, gjithashtu shqiptar, i cili e dhunoi për vdekje.
Shkaqet e sherrit mes tyre janë të panjohura. Tashmë autori i dyshuar që ndodhet në duart e policisë, akuzohet për vrasje. Ai pritet të sqarojë motivet e kësaj ngjarje të rëndë.
