Dashnor Sula, deputeti i Partisë Demokratike, ishte i ftuar në A2, ku po ashtu si në Parlament, ai solli edhe disa perime.
Deputeti tha se kjo është një simbolikë me anë të të cilës ai kërkon të ngrejë shqetësimin se bujqësia nuk po merr vëmendjen e duhur, madje ai theksoi se qeveria po tallet me fshatin.
“Mbi 40 përqind e qytetarëve shqiptarë jetojnë sot në fshat dhe sot buxheti 2025 është për të ardhur keq. Kjo qeveri tallet shumë rëndë me blegtorët dhe bujqit e Shqipërisë. Kryeministri i vendit foli një orë, nga ku 50 minuta foli për pensionistët dhe nuk mbushi 2 minuta për bujqit.
Ky është buxheti më i madh, por varet ku i shpenzon këto para. 16 milionë euro janë vetëm për pensionistët dhe vetëm 40 milionë euro për bujqësinë”, tha deputeti i PD-së në A2.
Më tej, Dashnor Sula ngriti edhe shqetësimin për shëndetësinë në vend. “Në vit, identifikohen 6 mijë veta në vit me sëmundje tumorale. Në spitalin shtetëror mungon pajisja që sheh sa është masa apo zhvillimi i masës tumorale. Ky është krim. Kjo pajisje nuk ekziston”, tha Sula.
