Bashkia e Sarandës vijoi aksionin e saj për riparimin e objekteve arsimore, për t’i bërë gati për vitin e ri shkollor.
Me nisjen e sezonit të ri arsimor, nxënësit e shkollës 9-vjeçarea “Adem Sheme” në qytetin e Sarandës do të gjejnë ambiente dhe kushte shumë të mira. Riparimet në këtë shkollë kanë nisur nga elektriciteti, fasadat, ndërhyrje në klasa etj.
“Shkolla 9-vjeçare “Adem Sheme” në qytetin e Sarandës, është duke u përgatitur tërësisht për nisjen e vitit të ri mësimor 2019-2020, në kushte sa më të mira. Ndërmarrja e Shërbimeve të bashkisë, ka “mësyrë” me mjeshtra të disa profileve, si: hidraulikë, suvatisës, elektricistë etj”, -bëjnë të ditur punonjësit e bashkisë.
