Simpatizantët e Saimir tahirit, e kanë pritur me duartrokitje dhe brohorima vendimin për shtyrjen e mbledhjes së Këshillit të Mandatit të Rregullores.
Mbështetësit e ish-ministrit të brendshëm, Saimir Tahiri, kanë qenë jashtë kryesisë së Kuvendit që në nisje të mbledhjes së Këshillit të mandateve, ku do të vendosej nëse atij do t’i hiqej apo jo imuniteti pas akuzave për përfshirje në trafik të lëndëve narkotike.
Ndërkohë, pas shumë orësh diskutime, kryetari i Kuvendit, Gramoz Ruçi vendosi që mbledhja të shtyhet për nesër në orën 10:00.
Ish-ministri i brendshëm, Saimir Tahiri, pas daljes nga sallë ku u zhvillua mbledhja e këshillit të mandateve, ka përsëritur edhe një herë para medias se ‘Nuk keni parë asgjë akoma.
Tahiri tha se do ti shkojë deri në fund të vërtetës. Ndërsa nuk komentoi asgjë mbi shtyrjen mbledhjes së këshillit të Rregullores, çka sipas deputetëve demokratë do të ndikojë negativisht, pasi i jep mundësi Tahirit për shkatërrimin e provave.
