Plot 28 ton kanabis janë sekuestruar nga janari i vitit 2017 e deri më tani. Shifrat i ka bërë të ditura drejtori i Përgjithshëm për Sigurinë Altin Qato sot në një prononcim për median. Po kështu është sekuestruar edhe 1kg kokainë dhe 12 kg heroinë. Këto sasi të frikshme tregojnë edhe njëherë se problemi i kanabisit në Shqipëri ka marrë përmasa të frikshme.
Për të nxitur denoncimet policia ka vendosur në dispozicion dhe një linjë të gjelbër 0800.90.90 për cdo informacion mbi rastin e implikimit apo favorizimit të kësaj veprimtarie të kundraligjshme, nga punonjës policie dhe jo vetëm. Gjithashtu ka edhe një shpërblim për denoncuesit duke ruajtur anonimatin.
