Shqipëria e ka mbyllur me humbje edhe miqësoren e dytë të muajit mars. Por ndryshe nga ndeshja ndaj Kilit, humbka 1-0 ndaj Suedisë ka parë në fushë një ekip ndryshe.
Kuqezinjtë kanë shfaqur një lojë më me grintë dhe më kërkues para portës, me shpërthimet e Brojës, por edhe me gjuajtjet e Asanit i cili kishte gjetur edhe një herë gjallërinë që i mungoi disa ditë më parë.
Nga ana tjetër Strakosha u tregua i vëmendshëm ndaj gjuajtjeve kryesisht të Isak, i cili provoi në çdo mënyrë të kalonte portierin e kuqezinjve. Megjithatë, një pavëmendje në një harkim në zonë solli golin e vendasve me Nilson dhe ua bëri më të thjeshtë vendasve administrimin e ndeshjes.
Pavarësisht ndryshimeve të Silvinjos, kuqezinjtë nuk ia dolën që të gjenin golin në vijim për të barazuar shifrat me furinë e minutave të fundit e kësisoj, regjistruan një tjetër humbje që padyshim nuk kënaqë askënd në kampin kuqezi.
