Ekipi kombëtar i të rinjve në karate ka marrë pjesë në Ligën botërore të karatesë për të rinj që u mbajt në Kroaci në datat 26 deri 29 qershor. 4 sportistë kishte në përbërje të tij ekipi kombëtar i moshave 10 deri 21 vjeç, tre nga ekipi i Tiranës dhe një nga ekipi Bijtë e Shqipes Lushnje. Në këtë botëror merrnin pjesë 4000 sportistë nga 78 vende të botës.
Karakteistja 14 vjeçare e ekipit Bijtë e Shqipes Lushnje, Amanda Dedej është kthyer me medalje ari nga ky botëror. Në peshën nën 52 kilogram, karakteistja u ndesh me gjashtë kundërshtare ku në finale mposhti serben Neda Mariçeviç, duke fituar 4- 0.
Trajneri i ekipit kombëtar të karatesë zoti Lirim Dedej ndër të tjera u shpreh se ekipi kombëtar i Shqipërisë pas shumë arritjeve të tjera në ballkaniada e europianë së fundmi ka sjellë më shtëpi medaljen e arit nga botërori i Kroacisë.
Fituesja e medaljes së artë në këtë ligë, Amanda Dedej, është 14 vjeçe dhe ka arritur gjithçka dhe tani synimi i saj është medalja e artë olimpike.
()
