Pavarësisht viteve që kalojnë, ofendimet ndaj shqiptarëve në Maqedoninë e Veriut nuk mungojnë. Rasti i fundit vjen nga ndeshja e kampionatit mes Vardar dhe Tikves, takim ky i përfunduar 7-0. Tifogrupi ultras i ekipit të Vardarit, “Komiti” është dëgjuar teksa thotë “Shqiptari i vdekur është shqiptari i mirë”.
Mbetet të shihet nëse do ketë ndëshkim nga organet kompetente për incidentin e rëndë, apo do kalojë si shumë herë, pa shumë zhurmë. Vlen të theksojmë se për tifogrupin “Komiti” nuk është hera e parë që bën thirrje anti-shqiptare në stadium.
