Disa ditë pas zbulimit të skenarit për arratisje janë bërë publike detaje te reja mbi tentativen për arratsije nga Burg të një shqiptari të denura në Greqi. Autoritetet greke kanë dhënë detaje te reja për planin e arratisjes nga burgu i Koridalosit, që kishte hartuar i burgosuri shqiptar Fabio Dushku. Policia ka deklarura se plani do të vihej në zbatim të dielën, më 4 shkurt, ditën e manifestimit të protestës kundër emrit të Maqedonisë, ku do të përqendrohej gjithë vëmendja e forcave të rendit.
Por policia greke kreu një operacion të befasishëm në qelinë e shqiptarit Fabio Dushku që po kryen një dënim të gjatë në burgun e Koridhalosë. Sipas policisë, plani parashikonte arratisjen e disa prej krerëve të mafias greke, por edhe pjesëtarëve të grupit guerril “Komploti i celulave të zjarrit”, që vuajnë dënime për akte terroriste. Kontrolli erdhi pas dyshimeve se ai kishte fshehur brenda qelisë, pajisje dhe armë që mund t’i përdorte për t’u arratisur nga burgu. Përfundimisht, Policia greke zbuloi dy laptopë brenda në qeli…të cilët ishin të lidhur me internet. Po ashtu, gjeti thika tësajuara, telefona celularë, grepa dhe sende të tjera. Fabio Dusko dyshohet se po përgatiste arratisjen dhe e kishte deklaruar hapur me krenari miqësinë e tij për grupin grek “Bërthamat e zjarrit”.
Një polic që foli për mediat greke tha se ishte hera e parë që kapej një laptop në burgjet greke. Ndërkohe policia shpjegon edhe planin e arratisjes së shqiptarit bashkë me të tjerët. Të burgosurit do të merrnin peng gardianët dhe do t’i kërcënonin derisa t’u hapeshin dyert e hekurta dhe rruga drejt lirisë. I njëjti plan ishte tentuar dhe në vitin 2015, vetëm se atëherë parashikohej hedhja në erë e murit rrethues të burgut.
