Shtëpia e të moshuarve në Gjirokastër ka kërkesa për strehim të personave të tjerë, por nuk ka kapacitete. Kështu thotë drejtori i asaj, Arianit Muho, gjatë një interviste për News 24. Aktualisht në këtë azile janë të strehuar 56 të moshuar, ndërsa rreth 20 kërkesa të tjera, kryesisht nga qarku Gjirokastër janë refuzuar pikërisht sepse s’ka kapacitete. Por në këto kushte nuk dihet përse azilja e re e ndërtuar në Libohovë nuk vihet në funksion. Pra, ata të moshuar që nuk i mban dot azilja e Gjirokastrës të shkojnë në Libohovë. Tre vite më parë përfundoi ndërtimi i një azileje në Libohovë, me kapacitet rreth 40 shtretër. Deri më tani aty nuk banon asnjë i moshuar që ka nevojë për strehim.
©agjirolajm.net
