Zgjimi i fëmijëve në mëngjes mund të jetë një “sfidë” për prindërit. Sidomos kur ata duhet të shkojnë në shkollë, zgjimi i mëngjesit shndërrohet në një situatë me grindje. Por a e keni menduar ndonjëherë se tek kjo gjendje mund të ndikojë mënyra se si i zgjoni?
Ja disa mënyra për ta bërë zgjimin e fëmijëve më të këndshëm: Hapni me kujdes derën dhe hyni në dhomën e tyre në heshtje. Nuk ka gjë më të keqe se zgjimi i papritur nga zhurma që do të bësh! Mund të jetë një zgjidhje drastike, por është më mirë të shmangni hapjen e perdeve ndërsa hyni në dhomë ose dhe më keq të tërheqni mbulesat.
Nëse nëna juaj e bënte këtë gjë me ju, kujtoni se sa i bezdisshëm ishte ky gjest. Kur të arrini në krevatin e fëmijës, përkëdhelni kokën dhe pëshpëritni fjalë të ëmbla. Planifikoni zgjimin e tij mjaft herët, në mënyrë që fëmija të marrë kohën e tij, të zgjohet ëmbël dhe të mos përballet më pas me faktin se nuk do të arrijë në shkollë në kohë.
