Moti i keq, që përfshiu pjesën veriore të Italisë, ka sjellë dëmtime të shumta. Në Limone Piemonte ka patur përmbytje, pasi përroi Vermegnana ka dalë nga shtrati. Në qytet nuk ka energji elektrike dhe shumë zona janë përfshirë plotësisht nga uji . Disa persona janë evakuuar, por fatkeqësisht tre persona që udhëtonin me një furgon nga shoqata Emmaus Cuneo, për të ngarkuar materiale kanë rezultuar të zhdukur.
Zjarrfikësit shpëtuan pesë persona të cilët ishin bllokuar në tunelin që lidh Italinë me Francën.
