Pentagoni ka thënë se kontaktet e fundit të nivelit të lartë SHBA-Rusi nuk kanë dhënë “asnjë shkak për optimizëm”, raporton AFP,. Zëdhënësi i Pentagonit, John Kirby shpalosi një vlerësim të zymtë të bisedës telefonike njëorëshe të shtunën midis Joe Biden dhe Vladimir Putin.
“Sigurisht që nuk është një shenjë se gjërat po ecin në drejtimin e duhur. Sigurisht që nuk është një shenjë se zoti Putin ka ndonjë qëllim për të de-përshkallëzuar. Dhe sigurisht që nuk është një shenjë se ai po e angazhon veten për një rrugë diplomatike përpara”, tha Kirby për “Fox News Sunday”.
“Pra, nuk na jep asnjë arsye për optimizëm”, theksoi ai.
I pyetur nëse vizita e planifikuar e kancelarit gjerman Olaf Scholz në Rusi të martën është “përpjekja e fundit” për ta zgjidhur këtë situatë në mënyrë diplomatike, Kirby u përgjigj: “Nuk e di nëse do të thoja hendekun e fundit, por sigurisht ne e kuptojmë se komponenti i kohës këtu duket se po zvogëlohet dhe që na jep të gjithëve arsye për shqetësim. Por përsëri, ne e kemi thënë dhe e besojmë ende sot, ka ende kohë dhe hapësirë për një rrugë diplomatike përpara.”
Ukraina ka marrë një ngarkesë me sisteme raketore anti-ajrore Stinger dhe municione me avion nga Lituania, tha të dielën ministria e mbrojtjes në Kiev, raporton Reuters.
Më herët gjatë së dielës, dy avionë të tjerë dërguan rreth 180 ton municione nga Shtetet e Bashkuara, tha ministri ukrainas Oleksii Reznikov. Ukraina kishte marrë deri më tani pothuajse 1,500 ton municione të dorëzuara në 17 fluturime, tha ai në Twitter.
Zyrtarët ushtarakë thonë se Ukraina ka forcuar ndjeshëm forcat e saj të armatosura me ndihmën e aleatëve, duke e pajisur ushtrinë, në veçanti, me sisteme antitanke amerikane dhe britanike si dhe drone turke.
