Prokuroria nën drejtimin e Adriatik Llallës ka patur rezultate skandaloze. Këtë e thotë SHBA, e thotë BE, e thonë specialistët e fushës. Por edhe secili prej nesh mund ta thotë po të kujtojë deklaratat e mëdha të Llallës për peshq të mëdhenj që do arrestoheshin në vjeshtat e tij të njëpasnjëshme, por në fund mbeteshin vetëm deklarata.
Një ndër peshqit e mëdhenj është edhe Klement Balili, i cilësuar nga mediat greke si “Eskobari i Ballkanit”. Ish-funskionari i LSI në Sarandë që mori dhuratë nga Basha në 2010 tokën dhe nga Panariti në 2016-ën qindra hektarë tokë, sot është në kërkim.
Mirëpo, ajo që është ironike në të gjithë këtë histori, nuk ka të bëjë me faktin se pse Prokuroria është kaq e vakët dhe e paduskshme në hetimin e tij, por fakti se Prokuroria e Rrethit Gjirokastër dhe Prokuroria e Rrethit Sarandë kanë lidhur kontratë me kompaninë e Babilajve që të ruajnë godinat e institucioneve, shkruan Lexo.al
Pra, përpos faktit që nuk hetojnë dhe bëjnë punën siç duhet për të bërë drejtësi, i kanë lënë pallatin e drejtësisë në ruajtje atij që kanë në kërkim.
Kompania mund të ketë edhe aksionerë të tjerë, por që prokuroria, t’I japë ruajtjen e vetes atij që ka nën hetim, vetëm në Shqipëri ndodh./Lexo.al
Më poshtë tabela e kontratës me datën dhe vlerën përkatëse për 2 prokuroritë e Gjirokastrës dhe Sarandës:
