Kalendari turistik veror 2018, hartuar nga Ministria e Kulturës, në bashkëpunim me institucionet artistike në vend, TKOB, AKKVP, Teatri i Kukullave, Cirku Kombëtar, AQSHF dhe skenën e pavarur, bën bashkë trashëgiminë dhe kulturën, me gjithëpërfshirje nga Jugu në Veri, duke i kthyer skenat e hapuara të trashëgimisë dhe sheshet e qyteteve në skena artistike, në një komunikim të gjallë me publikun.
Kalendari përfshin rreth 70 shfaqje në zonat bregdetare nga Velipoja në Dhërmi, nga Shëngjini në Korçë, nga Shkodra në Ksamil e Gjirokastër. Në datat 19 dhe 21 korrik nuk duhet të humbni premierën absolute të Ansamblit të Këngëve dhe Valleve, që vjen në Gjirokastër nën emrin mitik ‘Sokaku i të Marrëve’. Eventi do të organizohet te Odeoni i Bashtesë së Teqesë dhe te Shtëpia e Skëndulatëve në orën 21:00.
