Avokat Spartak Ngjela thotë se shqiptarët po largohen nga vendi për shkak të situatës së keqe ekonomike dhe korrupsionit që prodhon politika. Në një intervistë për Abc News, ai përmend edhe Gjirokastrën, si një prej qyteteve me largime masive.
“Shqipëria po shkon drejt shkatërrimit. Nëse nuk e keni parë, gazetaria është qorre atëhere. Isha në Gjirokastër, qyteti ishte zbrazur. Njerëzit duan të largohen nga Shqipëria sepse ia ka sjell në majë të hundës administrimi i politikës. Nuk po rrëmbejnë anijet si pas komunizmit, por prapë kjo është ikje e madhe. Nëse duam ekzistencën e Shqipërisë, duhet eleminuar korrupsioni”, tha Ngjela.
Krahas largimeve të shumta Gjirokastra është gjithashtu edhe një prej qyteteve me numrin më të ulët të lindjeve në rang vendi.
©argjiroja.net
