“Spinner” është pa diskutim lodra që është blerë më së shumti kohët e fundit kudo në botë. Shumë nga shqiptarët janë fiksuar pas këtij sendi, të cilin e kanë quajtur një mënyrë për të larguar stresin.
Google sapo ka lançuar mundësinë e luajtjes me “Spinner” edhe virtualisht, pra tashmë është edhe një lojë në internet me këtë emër. Mjafton të hyni në rrjetin e kërkimit, të shkruani “Spinner” dhe do të shihni menjëherë sendin me 3 rrathë jeshilë përqark një të verdhi.
Duke shtypur butonin “spin” që duket poshtë figurës ju do të rrisni shpejtësinë e rrotullimit të “Spinner”. Gjithashtu ju mund ta kontrolloni edhe me “mouse”-in e kompjuterit. Edhe pse është quajtur loja e antistresit, ekspertët e kanë mohuar një gjë të tillë.
