Era e fortë dhe reshjet kanë sjellë probleme gjatë natës në zonën Dukat-Fushë. Disa pemë të mëdha kanë rënë dhe kanë sjellë probleme në qarkullim. Është dashur ndërhyrja e efektivëve zjarrfikës për të bërë të mundur hapjen e rrugës dhe pastrimin e saj.
Ndërsa këto pamje janë tek unaza e re e qytetit në lagjen 10 korriku të Vlorë ku edhe aty si rrjedhojë e erës ka pasur rrëzim të pemëve dhe bllokim të qarkullimit rrugor.
Gjithashtu dhe në Rrugën Transballkanike. Disa pemë kanë rënë gjatë natës si pasojë e erës të fortë duke bllokuar trotuarin. Kalimtarët po detyrohen të kalojnë në rrugë pasi akoma nuk ka pasur një ndërhyrje e tyre nga trotuari.
Në Gjirokastër – Moti i keq me reshje dhe shtrëngata shiu ka privuar nga energjia me dhjetëra fshatra në bashkinë e Gjirokastrës. Sipas informacioneve zyrtare nga njësitë administrative, banorët e fshatrave të Cepos, Odries, Lazaratit, Picarit dhe Lunxhërisë ndeshen me mungesën e energjisë elektrike qysh prej mesnatës.