Java që lamë pas solli disa paraqitje të mira nga legjionarët. “Sofascore” sjell për “Panorama Sport” listën me pesë futbollistët më të vlerësuar sipas statistikave.
Në krye të saj ndodhet Lindon Selahi me notën 8.2. Me pak minuta në fushë pasi kishte marrë vendin e Juljan Shehut, pati impaktin e madh në fund për të shënuar golin e fitores 3 me 2 ndaj Radomiak Radom.
Thomas Strakosha ndjek me vlerësimin 7.8. Dhe pse AEK u mposht nga PAOK-u me rezultatin 0-2 në shtëpi, mund të pësonim më tepër gola po të mos ishte për Strakoshën.
Më tej me vlerësimin 7.4 ndodhen Berat Gjimshiti dhe Adrion Pajaziti. Ky i fundit në fitoren 0 me 3 ndaj Istrës bëri mjaft mirë. Gjimshiti u pozicionua si gjithmonë në mbrojtjen e Atalantës, që barazoi pa gola ndaj Lacios.
“Top 5” mbyllet me Kristjan Asllanin. Si lider në mesfushën e Torinos, ishte pjesë e skuadrës që befasoi Napolin duke e mposhtur 1 me 0.
© BalkanWeb
