Ishte në tavolinë prej kohësh, por tashmë është zyrtare: Luis De la Fuente do të jetë trajneri i Spanjës të paktën deri në vitin 2032. Federata Spanje falënderon në këtë mënyrë De la Fuenten, me një kontratë të re, për të gjithë kontributin dhe arritjet e tij në krye të ekipit përfaqësues, një rrugëtim i jashtëzakonshëm që daton nga viti 2015, kohë kur mori drejtimin e ekipit përfaqësues U-19. Që nga ajo kohë, De la Fuente i dhuroi Spanjës trofe të shumtë, duke nisur nga kampion Europe me U-19 dhe U-21, medalje argjendi në Lojërat Olimpike Tokyo 2020, për të vijuar me trofeun e Nations League në 2023, “Euro2024” dhe “qershia mbi tortë”, kampion Bote në “FIFA2026”.
Pas një rrugëtimi të tillë, të jashtëzakonshëm kishte ardhur koha që Federata Spanje t’i dhuronte një kontratë të re, të përmirësuar djeshëm në terma financiarë duke e bërë De la Fuenten pjesë të listës prej 10 trajnerëve më të paguar në botë: “Ishte e domosdoshme. Ky projekt duhet të vijojë deri në vitin 2032. Të gjithë e kanë mendjen te 2030, te Botërori që do të zhvillohet në shtëpinë tonë, por ky propozim u vlerësua pozitivisht nga të gjithë palët, Luis e meriton këtë kontratë të re. Kur shoh dy yjet në fanellën tonë, mendoj se një i tretë do të ishte fantastike. Do të përpiqemi që yllin e tretë ta arrijmë me De la Fuente”, u shpreh presidenti i Federatës Spanjë të Futbollit.
Pa diskutim i kënaqur për këtë kontratë të re u shfaq Luis De la Fuente: “Në momente të tilla mendon për shumë persona dhe për të gjithë rrugëtimin në krye të ‘Furisë së Kuqe’. Duhet të vazhdojmë të përmirësojmë, për të konkurruar dhe për të fituar. Nuk do të kënaqemi me çfarë kemi arritur deri më tani. Më e mira duhet ende të vijë”, u shpreh De la Fuente.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
