Në shtator do të mblidhet parlamenti i ri, por ky parlament gjtihashtu do të pranojë në sallën e tij edhe disa deputetë që kanë mbi 20 vite në këtë godinë si deputetë.
Edhe pse janë dy krerët e dy partive kryesore në vend, Rama dhe Basha kanë pak vite në Kuvend, përkatësisht të dy me dy mandate. Por në parlamentin 2017-2021 do të emi gjithashtu edhe shumë deputetë të vjetër që kanë mbi 2 dekada si deputetë.
Sipas të dhënave të Instituti i Studimeve Politike deputetët me më shumë mandate janë drejtuesi më jetëgjatë në PS e në PD, përkatësisht Ruci dhe Berisha. Më 2021 ata akumulojnë 29 vjet në parlament, – shifër rekord në historinë parlamentare pas 1990.
Pas dyshes kryesore vijnë pesë deputetë me nga 7 mandate parlamentare, tre socialistë (Majko, Ulqini e Braçe), një demokrat (Shehu) dhe një minoritar (Dule). Për shkak të mandateve të ndërprera parlamentare më 1991 dhe 1996, dhe ndikimit në kalkulime vitesh, rezulton se deputetë me 6 mandate, si Fino (PS) dhe Tavo (PS, LSI) kanë 24 vite në parlament, 3 më shumë se Shehu, Dule apo Angjeli.
Me pesë mandate të plota parlamentare janë Klosi (PS, nuk e dorëzoi mandatin edhe pas zgjedhjes ministër këtë legjislaturë), Xhafaj (PS), Mediu (PR), dhe Ndoka (PDK).
