Gjatë bashkëbisedimit me studentë të Universitetit ‘Eqrem Cabej’ në Gjirokastër, kryeministri Edi Rama ka dëgjuar edhe historinë e një studenteje në degën Administrim Publik.
Vajza nga Memaliaj i tha kreut të qeverisë se kishte aplikuar në bashki për punë pasi u njoftua se ishin shpallur 20 vende të lira. Sipas saj ajo përmbushte me kritere të paktën një prej vendeve, por iu refuzua puna nga kryebashkiaku Durim Roshi. Më vonë, tha studentja, kryebashkiaku kishte punësuar në të njëjtin pozicion një person me shkollë të mesme.
“Muajt e fundit ishin shpallur në Bashkinë Memaliaj të paktën 20 vende të lira pune, ndër të cilat unë kam plotësuar me kritere të paktën një vend pune. Ok, rri pres dhe marr vesh më vonë që zotëria në fjalë punëson dikë me shkollë të mesme”, i tha studentja Ramës.
Kryeministri nga ana e tij nuk është se i dha një përgjigje direkt vajzës për këtë rast pasi nuk kishte informacion, por e orientoi atë që të mos shikojë punësimin në shtet si mundësinë e vetme.
©argjiroja.net
