Ka përfunduar kadastra fiskale mbi bazën e së cilës do të aplikohet edhe taksa mbi pronën.
Ministria e Financave ka të dhënat për të gjitha banesat dhe pronat në vend dhe mbi bazën e tyre do të llogaritet edhe taksa për m2. Niveli aktual i taksës mbi pronën varijon sipas zonave dhe e njëjta logjikë do të ndiqet në aplikim e saj.
Formula që rekomandon FMN përfshin llogaritjen e taksës mbi vlerën e apartamentit sipas tregut, por duke përfshirë edhe truallin mbi të cilin është ndërtuar pallati apo vila.
Aktualisht taksat mbi pronën llogaritet mbi bazën e vitit të ndërtimi, sipërfaqes dhe zonës. E njëjta formulë do të jetë në fuqi edhe në vazhdim.
Ndryshe nga deri tani, kur regjistri i pronave ishte i paplotë dhe kjo taksë mblidhej në nivele minimale, nga shtatori çdo pronar do të paguajë taksën. Bashkia Gjirokastër bën pjesë në zonën e tretë dhe taksat për metër katror do të jenë sipas destinacionit të pronës. Më konkretisht sipas tabelës më poshtë
