Ish-deputeti i LSI-së, Vangjel Tavo, ka zbuluar se ai e ka kaluar koronavirusin. Gjatë një interviste për Fax News, ku ka komentuar lajmin se në Gjirokastër s’kanë ardhur ende përgjigjet e rreth 200 tamponëve prej datës 17 tetor, Tavo thotë se cdo vonesë do të thotë fatalitet për ata që janë sëmurë.
“Unë e kam kaluar vetë këtë sëmundje, dhe çdo orë vonesë në marrjen e përgjigjes, dhe në fillimin e trajtimit kur ai është i nevojshëm, përkthehet në fatalitet për jetën e qytetarëve. Në vendin tonë jo vetëm që tamponet nuk subvecionohen, por detyrohen që të shkojnë në privat dhe të paguajnë 120 mijë lekë të vjetra“, u shpreh Tavo.
Sipas ish-deputetit si të mos mjaftonte mungesa e tamponeve, në Gjirokastër nuk respektohet as masat anti covid, ku vetë Bashkia ka organizuar disa aktivitete me pjesëmarrjen e shumë personave.
©argjiroja.net
