Trajneri i Elbasanit, Ivan Gvozdenoviç, foli pas humbjes 1 me 3 ndaj Tiranës, teksa në prononcimin e dhënë për “Super Gol”, ai u shpreh:
“Do fillojmë të ringrihemi. Jemi shumë të mërzitur pas ndeshjes ndaj Tiranës. Faleminderit tifozëve përpara ndeshjes dhe mbas ndeshjes. Na mbështetën mbas ndeshjes. Ishte gabimi jonë në fushë. Në Final 4, jemi të motivuar më shumë. Jam i sigurt që çunat do reagojnë dhe të luftojnë më shumë.
Jam i mërzitur me fazën mbrojtëse. Elbasani ka qenë fanatik në fazën mbrojtëse dhe ka dalë mirë. Në këto 2-3 ndeshje kemi qenë në gjumë. Nuk ishim gati për luftë sportive në fushë. Jam i sigurt që në do të rregullohemi deri në ndeshjen e parë në datën 16. Do flasim me çunat dhe jam i sigurt që do të rregullojmë problemet.
Do punojmë nga ana psikologjike, ky është një problem i momentit. Ndoshta ishim në gjumë. E arritëm Europën pas 20 vitesh, e kishim mendjen te festa jo te fusha. Tani e dimë çfarë është problemi, në këto 4-5 ditë do punojmë dhe të futemi më mirë në “Final 4”.
E thashë edhe në fillim nuk jam i kënaqur nga faza mbrojtëse. Përpara 3-4 javë siguruam Europën dhe na kapi euforia. E dimë ku qëndron problemi. Jam i bindur që çunat me stafin do reagojnë më mirë dhe do të rregullojmë gjërat kur të fillojë “Final 4”.
Sot shumë gjëra nuk funksionuan, Tirana na shënoi shumë shpejt në të dyja pjesët. E ndryshova Lilën për të fituar një lojtar në fazën ofensive.
Kur shënuan golin e parë ishim në lojë. Nuk ishim fanatik në mbrojtje dhe pësuam golin e tretë, duhet të punojmë shumë në fazën mbrojtëse.
Edhe lojtarët edhe presidenti është mërzitur, një minus nga ana financiare. Në “Final 4” e fillojmë me pikë të barabarta”, deklaroi Gvozdenoviç.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
