Mali i Tomorrit vizitohet çdo vit përgjatë datave 20 dhe 25 gusht nga mijëra pelegrinë, të cilët besojnë fort në fuqinë mistike të këtij vendi të shenjtë, aty ku prehet shpirtërisht shenjti i bektashinjve, Abaz Aliu.
Por pse pikrisht mes këtyre ditëve është kaq i madh numri i pelegrinëve, çfarë mrekullish kanë ndodhur, cila është fuqia që fshihet pas atij Mekami (varri shpirtëror i Abaz Aliut)?
Për të marrë përgjigje për këto pyetje, moderatorja e dhe autorja e Quo Vadis në Vizion Plus, udhëtoi drejt malit të Tomorrit, ku zhvilloi një bisedë me Dervish Hasan Carkanji, për të zbardhur pak nga misteri i madh që fsheh ndër vite ky vend mistik.
Pjesë nga biseda:
Borakaj: Këtu ka një pelegrinazh që zhvillohet nga datat 20-25 gusht, pse janë zgjedhur këto data?
Dervish Hasan Carkanji: Abaz Aliu është shfaqur shpirtërisht në këto data. Këto janë argumnetat e njerëzve, mrekullitë këtu. Ka patur njerëz që nuk ecnin, kanë ecur, kanë patur njeërz që nuk flisnin, kanë dalë nga këtu dhe Zoti i madh i ka bërë të flasin.
Borakaj: Mrekullitë që ndodhin në këto datë?
Dervish Hasan Carkanji: Mrekullitë që ndodhin kryesisht në këto data, pasi ndodhin edhe në ditë të tjera të vitit.
Borakaj: Çfarë duhet të kenë aprasysh njerëzit kur vijnë në Malin e Tomorrit?
Dervish Hasan Carkanji: Njerëzit këtu vijnë dhe bëjnë kurban për hatrin e Zotit, të kenë dashuri me njëri-tjetrin. Kur vjen në një vend të shenjtë para se të bësh kurban dhe t’i lutesh Zotit, por para se të bësh kurban dhe t’i lutesh Zotit duhet të kesh dashuri për njëri-tjetrin, respekt për njëri-tjetrin. Duhet të respektojmë njeriun si krijesën më të përsorur të Zotit. Nëse ne nuk respektojmë njeriun, nuk kemi respektuar vendet tona të shenjta.
