Në 24 maj grupimi PD-LSI në Këshillin Bashkiak të Gjirokastrës shkarkoi sekretarin Semi Golemi, përfaqësues i PS-së, për të zgjedhur Spartak Drasën, përfaqësues i PD-së. Një javë më vonë në një mbledhje tjetër, këshilltarët e PS-së dhe dy këshilltarë të LSI-së krijuan një shumicë tjetër, me anë të së cilës shkarkuan Mimoza Çomon dhe në krye të Këshillit Bashkiak zgjodhën Vjollca Kokon. ‘Aksioni’ përfundoi me aq. Pyetja që shtrohet është kjo: A do të shkarkohet edhe Spartak Drasa nga posti i sekretarit të këshillit?
Pra, jemi në kushtet kur është krijuar një shumicë e re nga këshilltarët e PS + 2 të LSI-së. Rrjedhimisht ky grupim duhet të procedojë edhe me shkarkimin e sekretarit, për të zgjedhur një nga radhët e veta. Ose mund të gjendemi përballë ndonjë tjetër pazari, ku PS mban sekretar përfaqësuesin e PD-së dhe kryetar këshilli përfaqësuesen e LSI-së. Deri më tani nuk ka një njoftim për datën më të afërt se kur do të zhvillohet mbledhja e Këshillit Bashkiak Gjirokastër. Mendohet që këshilltarët të thirren në gjysmën e dytë të muajit qershor.
© ArgjiroLajm.net
