Pas tenderit me vlerë 133 milionë lekë të vjetra për vendosjen e kamerave të sigurisë në disa rrugë të qytetit, Bashkia Sarandë ka prokuruar një tjetër fond me vlerë më të vogël. 12,5 milionë lekë të vjetra do të përdoren për “riparimin e tavanit të universitetit”. Nuk është e qartë në dokumentet e APP se përse bashkia kryen një investim të tillë, kur dihet se filiali i Sarandës varet nga Universiteti i Tiranes, si nga pikëpamja akademike ashtu edhe nga ana financiare. Mos ndoshta jemi në kushtet kur në buxhetin e bashkisë kanë mbetur ende disa fonde, të cilat nëse nuk shpenzohen brenda mesit të dhjetorit i kalojnë sërish Ministrisë së Financave për rialokim? Dhe e ndodhur në këto kushte Bashkia Sarandë thjesht “sajon” investime sa për të mos u kthyer mbrapsht paratë?
©argjiroja.net
