Bashkia Gjirokastër ka hapur një tender në datën 7 të këtij muaji me objekt ‘akomodim në hotel në Tiranë’. Procedurat janë kryer përmes Agjencisë së Mirëqënies dhe Kujdesit Social nga e cila kalojnë pothuajse të gjitha tenderat e Bashkisë Gjirokastër. Nëse shqyrton dokumentacionin e tenderit, mbyllja e të cilit do të bëhet nesër në orën 10:00, ka disa detaje që mungojnë. Për shembull, mungon fondi limit dhe arsyeja përse tenderohet ky shërbim. Janë pesë persona nga Bashkia Gjirokastër që do të qëndrojnë në Tiranë për një javë (data 16 deri në 23 qershor). Kërkesat e Bashkisë Gjirokastër janë që hoteli të jetë në Rrugën e Kavajës dhe të ofrojë të tre vaktet me ushqim. Në total duhen tre dhoma. Dy të jenë dopjo dhe një dhomë të te jetë tek. I njëjti tender ishte hedhur fillimisht më datë 6 qershor, por u anulua për disa gabime proceduriale. Më poshtë dokumentet me të dhëna më të plota.
© ArgjiroLajm.net