Një 56-vjeçar është gjetur i pajetë në një stan në fshatin Dhëmblan të Tepelenës. Policia njofton se 56-vjeçari nga fshati Anë Vjosë u gjet një ditë më parë dhe nga këqyrja paraprake nuk janë konstatuar shenja dhune. Dyshohet se ai ka humbur jetën prej shkaqeve natyrale.
“Specialistët për Hetimin e Krimeve të Komisariatit të Policisë Tepelenë referuan materialet në Prokurori, për vlerësim, pasi më datë 13.01.2026, rreth orës 14:00, është gjetur në një stan në fshatin Dhëmblan, trupi i pajetë i shtetasit S. Sh., 56 vjeç, banues në fshatin Anë Vjosë. Nga këqyrja paraprake nuk janë konstatuar shenja dhune. Ky shtetas dyshohet se e ka humbur jetën prej shkaqeve natyrale”, njofton Policia e Gjirokastrës.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
