Gentian Selmani, portieri i Teutës komentoi fitoren 1-0 ndaj Dinamos.
“Ishte një ndeshje intensive, kishim pak stres se kishim dy barazime. Vinim nga një ndeshje e mirë me Vorën, por ku nuk u arrit rezultat. Në këtë ndeshje sakrifikuam, u përqendruam, bëmë një ndeshje të mirë dhe ia dolëm me tre pikët.
Momenti më i vështirë? Dinamo kishte raste që i humbi, ishte traversa. Por pritjet janë detyra, do punoj të ndihmoj ekipin, të bëj ndeshje të mira si kjo çdo herë. Po punojmë, shpresojmë që të kemi këtë ritëm.
Unë si portier duhet të tregoj veten me pritje fillimisht. Normalisht do bësh edhe rolin e liderit pastaj, se roli i portierit është i veçantë te një ekip. Ne kemi ekip të ri, që kanë ardhur shumë të rinj, por është e mirë që kanë shumë eksperiencë në Superiore, nuk është se nuk kemi luajtur asnjëherë. Por duhet kohë se tre javë kemi që jemi afruar, në përgatitje kemi qenë pak, kemi qenë praktikisht me U19. Jemi bashkuar, duhet të rrimë me këmbë në tokë dhe kemi ndeshjen e radhës shumë shpejt, atë me Vllazninë.
Kam kaluar situata të vështira, kur isha te Tirana me dëmtimin e rëndë. Viti i kaluar nuk ishte mirë, me ulje-ngritje nga unë e ekipi nuk shkoi si duhet. Por unë kam punuar shumë, dua të qëndroj me këmbë në tokë, të përmirësohem çdo ditë, qoftë edhe 1% që të ndihmoj ekipin.
Iliria? E shoh me shumë emocione se kam familjen. Shpresoj të kthehet te fitorja, kanë pasur një fillim të vështirë me tre ekipe pretendente, por edhe duke punuar shumë shpresoj të kthehen te fitorja”, tha Selmani
© BalkanWeb
