Në Gjirokastër Teuta arriti të marrë një pikë në sekondën e fundit ndaj Luftëtarit me këtë barazim që sjell pak qetësi te të dyja kampet, sidomos të durrsakët që ishin të rrezikuar në fundin e klasifikimit në rast të një humbje ndërsa për Luftëtarin fitorja do t’I kishte cuar pranë zyrtarizimit të vendit të katërt, I cili gjithsesi mbetet I tyri në pozita komode.
Në këtë pikë të sezonit rezultati është ai që ka më tepër rëndësi dhe të dyja skuadrat në garë për objektiva të ndryshëm u përpoqën të japin më të mirën që në fillim. Teuta që në minutën e 5-të gjeti rrjetën por goli i Ditës u anullua për pozicion jashtë loje. Përsëritja tregon qartë nëse kryesori kishte të drejtë apo jo. Pas disa minutave më shumë ritëm në mesfushë, Lamce rrezikoi në të 27-tën por Kastrati reagoi mirë. Në të 29-tën Cyrbja pati mundësinë më të mirë për të kaluar përpara durrsakët por dhe Miraka tregoi se është në nivelin e duhur. Në të 38-tën ishte fati që I mohoi golin Teutës me topin që përfundoi në traversë ndërsa në të 45-tën Markovic nuk gjeti epërsinë me kokë vetëm për cështje centimetrash. Pjesa e parë u mbyll me një superpritje të Kastratit që nuk lejoi Rrocën t’I jepte epërsinë bluzinjve. Fillimi pjesës së dytë nisi sërish më mirë për Luftëtarin dhe pse Bregut I mungonte shënjestra ndërsa në të 65-tën nuk u shfrytëzua sic duhet ky aksion ndërsa pati dhe pretendim për 11-metërsh për top të prekur në zonë. Nga ky moment mbizotëroi frika për të mos humbur me dy ekipet që u treguan tejet të kujdesshme deri në të 83-tën kur Bregu me një lëvizje fantastike arriti të fitojë një penallti për gjirokastritët.
Nga pika e bardhë Ramadani shënoi golin që mund të vlente Europën për gjirokastritët, por Teuta në sekondat e fundit arriti të gjejë golin e barazimit me Faysal duke marrë një pikë shumë të rëndësishme për qëndrimin në Superiore ndërsda sfida u mbyll me tension mes lojtarëve të të dyja skuadrave, tërësisht I panevojshëm pas një ndeshje që dhuroi kaq shumë emocione dhe ku u luajtën një pjesë e madhe e fateve të skuadrave të Superiores./ss
