Ndërsa procesi i numërimit të votave në Amerikë vijon ende në disa shtete, presidenti amerikan ka bërë thirrje që të ndalet numërimi. Në një postim në rrjetin social Twitter, ai ka shkruar me gërma kapitale: “Ndaloni numërimin!”.
STOP THE COUNT!
— Donald J. Trump (@realDonaldTrump) November 5, 2020
Megjithatë nga ana tjetër, zyrtarët e zgjedhjeve janë zotuar të numërojnë çdo votë të hedhur deri në ditën e zgjedhjeve dhe shumë prej tyre e kanë mbrojtur integritetin e numërimit në shtetet e tyre. Nëse numërimi do të ndalohej tani, Biden do të shpallej president, duke qenë kryesuar në Nevada, gjë që do ta çonte atë në 270 votat elektorale të nevojshme për të fituar Shtëpinë e Bardhë.
