Një 21-vjeçar shqiptar është vënë në pranga, ndërsa akuzohet se është përfshirë në një rrjet trafikimi droge dhe për një vrasje të kryer në Shqipëri.
Mësohet se operacioni është kryer në banesën e tij në lagjen Galatsi.
Shqiptari, pjesë e një grupi kriminal që kryen trafik drogë nga Shqipëria në Greqi, kishte detyrë marrjen dhe transportimin e sasive të drogës nga kufiri i gjelbër greko-shqiptar me qëllim magazinimin e tyre në banesën e tij Athinë.
21-vjecari dyshohet të jetë i përfshirë edhe në një vrasje në Shqipëri në bashkëpunim me persona të tjerë ende të paidentifikuar.
Gjatë kontrollit të ushtruar në banesën e tij u gjetën 3 kg 862 gram marijuanë, 1 pistoletë me krehër, 1 thikë dhe 1 peshore.
