Anglezët sot vendosën që kampionati i futbollit të vazhdonte normalisht në fundjavë, por tashmë duket se ata do të ndryshojnë mendje.
Arsenali ka njoftuar zyrtarisht se trajneri Mikel Arteta është i infektuar me Coronavirus. Ky është mesazhi përfundimtar për drejtuesit e FA-së, që Premier League duhet të pezullohet. Të paktën, nuk duhet të luhen ndeshje me tifozë.
Kështu ndodhi në NBA, përtej Atlantikut. Sapo një basketbollist u njoftua se është me Coronavirus, u anuluan të gjitha ndeshjet, edhe pse tifozët ishin bërë gati për spektakël. Anglezët pritet të reagojnë shpejt me një vendim. Në ishull nuk janë mbyllur as shkollat.
