Presidenti Donald Trump ka deklaruar të hënën se po merr ilaçin e malaries për t’u mbrojtur kundër koronavirusit, pavarësisht paralajmërimeve nga vetë qeveria e tij për efektet anësore që mund të jenë edhe fatale.
Trump u tha gazetarëve se po merr hidroksilkolinën dhe një shtesë të zinkut çdo ditë “për rreth një javë e gjysmë tani”. Trump për javë me radhë e ka quajtur ilaçin si një kurë të mundshme për COVID-19 pavarësisht këshillave paralajmëruese të shumë profesionistëve të administratës së tij. Ilaçi ka potencialin të shkaktojë efekte anësore të konsiderueshme në disa pacientë dhe nuk është vërtetuar se lufton koronavirusin e ri.
Trump tha se mjeku i tij nuk i rekomandoi këtë ilaç, por ai e kërkoi atë nga mjeku i Shtëpisë së Bardhë.
“Unë fillova ta marr, sepse mendoj se është mirë,” tha Trump. “Kam dëgjuar shumë histori të mira.”
Mjeku i Shtëpisë së Bardhë, Dr Sean Conley, tha në një deklaratë të lëshuar përmes zyrës së shtypit të Shtëpisë së Bardhë se, pas “diskutimeve të shumta” me Trump në lidhje me provat pro dhe kundër përdorimit të hidroksilklorinës, “ne arritëm në përfundimin se mund të kesh përfitime nga trajnimi me këtë ilaç.
Administrata e Ushqimit dhe Barnave paralajmëroi profesionistët e shëndetit muajin e kaluar që ilaçi nuk duhet të përdoret për të trajtuar COVID-19 jashtë ambienteve spitalore ose kërkimore, për shkak të efekteve anësore ndonjëherë edhe fatale.
Trump hodhi poshtë raportet për efektet anësore, duke thënë: “Ajo çfarë mund t’ju them është se deri më tani më duket se jam në rregull.”
