Iarrestuar dy ditë më parë në Memaliaj, fshehur në shtëpinë e kushëritit të Aleksandër Sadikaj, vrarë pranë TEG-ut në 2022, Andrew Bode, i dyshuar për vrasjen e biznesmenit Edmond Papa, do të qëndrojë në burg.
“Nuk kam lidhje me vrasjen, do të sjell deshmitarë që ta vertetoj. Nuk jam dorëzuar deri tani se nuk kam pasur besim te drejtësia, do të bëjë kallëzim dhe për ta”, u shpreh Andrew Bode në gjykatë.
Ai u arrestua gjatë operacionit “Plani” ku morën pjesë edhe forcat RENEA, së bashku me Julian dhe Adriatik Kalemin. Advin alias Andre Bode, 45 vjeç, me origjinë nga Berati, dyshohet të jetë ekzekutori i Edmond Papës në 16 dhjetor në zonën e Selitës në Tiranë.
Ndërkohë Gjykata e Gjirokastrës ka caktuar masën e sigurisë “Arrest me burg” për Adriatik Kalemin, i cili u arrestua për armëmbajtje pa leje, dhe për nipin e Adriatikut, Julian Kalemin i cili akuzohet pasi kishte fshehur vrasësin e dyshuar të Edmond Papës, Andrew Bode.
