Shkëlzen Ruci ishte protagonist në sfidën e sotme kundër Flamurtarit. Portieri i Luftëtarit ishte vendimtar me disa pritje, duke mbajtur të paprekur rrjetën e tij dhe duke ruajtur fitoren e çmuar 1-0 të gjirokastritëve. Pas ndeshjes, Ruci nuk ka humbur kohë dhe ka postuar një foto në Facebook, pikërisht momentin e festimit të Luftëtarit pas fitores në Vlorë.
Fotoja është shoqëruar me mjë “emoji” që tregon mbylljen e gojës. Ndoshta Ruçi u jep kështu një përgjigje, në fushë, kritikëve që e bënë përgjegjës në ndeshjen kundër Laçit që përfundoi 2-2, sfidë të cilën Luftëtari e kryesonte 2-0, por në fund nuk arriti të mbante dot rezultatin.
Portieri i Luftëtarit u cilësua si fajtor për këtë rezultat nga tifozët gjirokastritë, por sot ndaj Flamurtarit u ka dhënë përgjigjen gjithë kritikëve të tij, madje duke e shoqëruar me një “emoji” që duhet “ta mbyllin gojën”.
