Prindërit e një 17-vjeçareje të zhdukur në Britani janë akuzuar për vrasjen e saj.
Sipas “The Sun”, Bernadette Walker u raportua e zhdukur 7 javë më parë nga Sarah Walker, 37 vjeç, si dhe nga 50-vjeçari, Scott Walker.
Ato janë akuzuar për vrasje dhe do të paraqiten në gjykatë sot.
Detektivët kanë kryer kontrolle mjeko-ligjore në shtëpinë e çiftit në Peterborough, por ende kanë nevojë për shumë informacion.
Më 18 korrik ka qenë hera e fundit kur prindërit e kanë parë vajzën e tyre. Ata thanë se dy ditë më vonë morën një mesazh në orën 01:00 të mëngjesit, më 20 korrik, ku thuhej se ajo do të kthehej në shtëpi “së shpejti”.
Më pas ajo u raportua e zhdukur të nesërmen më 21 korrik.
Njëri nga detektivët tha: “Ndërsa ekipi im ka bërë një përparim të rëndësishëm me këtë hetim ditët e fundit, ne ende nuk mund ta gjejmë Bernadette. Prandaj, lutja ime është që kushdo që ka informacion mbi atë që i ka ndodhur, ose mund t’i ketë ndodhur, të na kontaktojë menjëherë”.