Goli kundër Bournemouth ndezi edhe një herë shpresat se më në fund Armando Broja ishte rikthyer. Ai gol dhe pika që “bomberi” kuqezi i dhuroi Burnley ndryshoi totalisht statusin e tij, me trajneri Scott Parker që filloi duke i besuar një fanellë titullari. Për fat të keq, Broja nuk e shfrytëzoi si duhet këtë mundësi të artë që iu dha duke humbur pak nga pak statusin dhe minutat.
Pika më e ulet erdhi në sfidën e fundit në Premier League, atë kundër Crystal Palace, me trajnerin Parker që as nuk e grumbulloi. Në fillim, opinioni sportiv mendoi se bëhet fjalë për një shqetësim, për një problem fizik, por për të hedhur poshtë këtë variant mendoi trajneri Scott Parker.
Në konferencë për shtyp, trajneri i Burnley sqaroi se ky ishte thjesht një vendim teknik i tij: “Ai ka pasur një problem të vogël, por vendimi im ishte pikërisht ky. Në këtë moment, mund të ftoj vetëm një numër të caktuar lojtarësh dhe kjo ishte mënyra se si vepruam”, u shpreh Parker. Kjo deklaratë e trajnerit të Burnley tregon qartë momentin e vështirë që po kalon Broja.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
