Kombëtarja shqiptare U-17 ka mbyllur përgatitjet për ndeshjen e parë ndaj Suedisë, e vlefshme për raundin e parë të kualifikueseve të Kampionatit Europian U-17, UEFA EURO 2027.
Skuadra e drejtuar nga trajneri Armand Dama ka zhvilluar seancën e fundit stërvitore në prag të kësaj përballjeje, që do të luhet të mërkurën, më 11 nëntor, në orën 14:00, në stadiumin “Elbasan Arena”.
Gjendja e grupit paraqitet e mirë, me të gjithë lojtarët në dispozicion të stafit teknik dhe pa probleme fizike në prag të sfidës së parë të këtij mini-turneu.
Kuqezinjtë do të kërkojnë ta nisin me rezultat pozitiv këtë aventurë europiane, ku në Grupin 4 bëjnë pjesë edhe Skocia dhe Finlanda.
Ndeshja Shqipëri U-17 – Suedi U-17 do të transmetohet drejtpërdrejt në FSHF TV, duke u dhënë mundësinë të gjithë tifozëve të ndjekin nga afër Kombëtaren kuqezi në këtë sfidë të rëndësishme.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
