Gentian Llogo ka folur për herë të parë pas marrjes së detyrës së drejtorit të Ndërmarrjes së Ujësjellësit Gjirokastër. Nga fshati Arshi Lengo ku ishte për të parë një investim për rehabilitimin e rrjetit të ujërave të zeza, Llogo tha se me një menaxhim më të mirë të burimeve ujore dhe investimeve në rrejt, do të përmirësohet furnizimi me ujë të pijshëm.
“Prioritet për mua do të jetë ulja e numrit të debitorëve dhe rritja e investimeve në rrjetin e shpërndarjes së ujit. Debia aktualisht është në nivel relativisht të lartë, por ne do të punojmë për ta zvogëluar”, tha Llogo gjatë një interviste për Tv Gjirokastra.
Më tej ai kërkoi nga banorët që të tregohen të kujdesshëm dhe të mos e shpërdorojnë ujin, sidomos gjatë stinës së nxehtë. Me nisjen e fazës së re të investimit gjerman të bankës KFW, pritet që të ketë furnizim 24 orë me ujë për lagje të tjera të qytetit. Gentian Llogo u prezantua gjatë javës së shkuar si drejtori i Ndërmarrjes së Ujësjellësit. Ai pason në këtë detyrë Dhimo Kristidhin.
©argjiroja.net
