Universiteti “Eqrem Çabej” në Gjirokastër kishte parashikuar të shpenzonte rreth 44 milionë lekë të vjetra pa Tvsh për lyerjen e fasadave dhe ambienteve të brendshme. Tenderi i hapur në muajin gusht është mbyllur së fundi dhe është shpallur kompania fituese pas përmbylljes së procedurave ankimuese nga kompanitë e skualifikuara. Sipas njoftimit, fituese e këtij tenderi është shpallur kompania “Congreni” me seli në Sarandë, e cila kara paraqitur ofertën prej 27 milionë lekë të vjetra pa TVSH.
Paralelisht me shpalljen e fituesit të këtij tenderi, Universiteti “Eqrem Çabej” ka hapur një tender tjetër me objekt “Rikonstruksion i klasave (Riorganizim i Laboratoreve Te Informatikes). Vlera e fondit limit të parashikuar për këtë investim është rreth 20 milionë lekë të vjetra. Afati i fundit për dorëzimin e ofertave është data 5 nëntor 2020.
Nga viti në vit Universiteti i Gjirokastrës po përballet me ulje të numrit të studentëve dhe mbyllje të programeve të studimit. Përgjegjësit kryesorë të rrënimit të tij, përveç lëvizjeve demografike, janë natyrisht kasta që e drejton universitetin dhe që ka lejuar aty të mbizotërojë nepotizmi, korrupsioni dhe paaftësia.
©argjiroja.net