Protestës për vrasjen Klodian Rashës, i është bashkuar edhe vajza e politikanit Niko Peleshi. Në një postim që ka bërë në rrjete sociale Aleksia Peleshi ka reaguar për vrasjen e 25-vjeçarit, duke thënë vrasja e Klodianit ka qenë një tragjedi duke shtuar se pas vdekjes së tij tashmë populli ndihet i pasigurtë. Ndër të tjera ajo shkruan se në vend të Rashës mund të ishin të gjithë të tjerët duke përjashtuar veten pasi sipas saj atë e mbron mbiemri.
“Ngjarja tronditese e se martes me la te heshtur per dite me rradhe sepse per nje tragjedi te tille fjalet nuk kane me vlere. Kemi nevoje qe dikush te mbaje pergjegjesi morale edhe nese s’eshte shkaktar direkt i kesaj makabre. Populli ndjen pasiguri. Ne vend te Klodianit mund te ishte secili prej nesh. Ndoshta jo une. Mua me mbron mbiemri qe kam. Po Klodianin, kush e mbronte? Po qytetaret e tjere, kush i mbron? Klodiani nuk do te kthehet me, por reagimi i shpejte ministrit duke marre pergjegjesi per kete ngjarje kaq te rende mund t’i ktheje qytetareve te frustruar e te trembur besimin se kjo eshte nje ngjarje e vecuar qe nuk perfaqeson gjithe policine. Besimin se ne kete vend, ka edhe drejtesi. Ka edhe reflektim. Une sot jam me protestuesit. Jo me ata protestues qe shfrytezojne tragjedi te tilla per te bere lojera politike, jo. Jam me ata protestues per te cilet asgje nuk eshte me e rendesishme se sa jeta e nje njeriu te pafajshem qe vraponte nga frika, pa kuptuar se po vraponte drejt vdekjes”, ka shkruar ajo.
