Konfirmohet rasti i parë me Covid 19, në Sarandë. Bëhet fjalë për një shtetase ukrainase, e cila ka ardhur për pushime në Sarandë.
Prej 7 muajsh ajo ishte vendosur në Tiranë, ndërsa ka deklaruar se në Sarandë ka apartamentin e saj dhe nuk ka pasur kontakte të tjera.
Bluzat e bardha si dhe efektivët e policisë së Komisariatit Sarandë, po punojnë për gjurmimin e kontakteve të saj dhe rasteve të tjera të mundshme. Vajza është transportuar rreth orës 3 të mëngjesit drejt Tiranës për trajtim nê Spitalin Infektiv.
Saranda ka qenë një nga zonat më te qeta në gjithë këtë periudhë të ankthshme të koronavirusit në vend.
