Vangjel Tavo po e humbet qetësinë nga dëshpërimi se kësaj radhe e ka më të vështirë se kurrë të fitojë mandatin e deputetit. Përmes një postimi në Facebook ai denoncon Mirela Kumbaron për shkelje të orarit policor, të vendosur për shkak të pandemisë. Që Mirela Kumbaro të ketë qenë në lëvizje pas orës 20:00 nuk përjashtohet dhe as është ndonjë çudi. Për arsye pune kushdo mund të lëvizë pas orës 20:00 me leje në e-Albania. Denoncimi gjysmak i Tavos nuk thotë nëse Kumbaro është apo jo me leje. Megjithatë as ky nuk është problemi, se mund të ketë qenë dhe pa leje pas orës 20:00. Çështja është se si Vangjel Tavo që s’ka guxuar të thotë gjysmë fjale për Monika Kryemadhin që shfaqet pa maskë nëpër takime, që shkel haptaz kufizimet e pandemisë, tani e ka hallin pse Kumbaro nuk është mbyllur në shtëpi pas orës 8 të mbrëmjes. Reagimi i tij i plotë shoqëruar me disa foto të kapura nga larg.
Ora 21:06, teksa opozitën dhe banorët e thjeshtë i mbyllin në shtëpi në orën 20:00 Rilindja vazhdon fushatën edhe pas orës së lejuar. Pasi shkeli ligjin dhe Kodin Zgjedhor në Libohovë, Mirela Kumbaro shkel sërish ligjin dhe Kodin Zgjedhor në Bashkinë e Dropullit duke bërë politikë në institucione publike. Të tmerruar nga humbja e sigurtë, rilindasit po enden natën si bufë, e duke hartuar plane errësire. Por më 25 prill çdo gjë do dalë në dritë.