Nëse vëren me kujdes retorikën e Vangjel Tavos kohëve të fundit, ka një element të vecantë. Ai kujdeset në cdo rast të ndajë “Rilindjen” nga PS-ja. Shpesh deklaron se iu vjen keq për “socialistët e ndershëm” që janë lënë mënjanë sipas tij nga “Rilindja”. Qartësisht është një përpjekje e tij për diversion, për të afruar pranë ata që janë të pakënaqur me PS-në dhe normal që gjen të tillë.
Të njëjtën gjë bëjnë dhe përfaqësues të tjerë të opozitës. Në kuadër të luftës politike dhe maksimizimit të rezultatit natyrisht që kjo është normale. Por përvec kësaj Tavo po “luan fijet” edhe në forma të tjera. Përpiqet të joshë politikisht edhe drejtues të PS-së dhe njerëz të strukturave në zona të ndryshme të qarkut Gjirokastër. Së fundi Argjirolajm.net mëson për një bisedë mes Tavos dhe një drejtuesi të strukturave të PS-së. Sigurisht që nuk është mëkat të bisedojë e ketë komunikim me ta. Lajmi këtu është gjetkë. Ish-deputeti i LSI-së i ka kërkuar këtij drejtuesi të PS-së “takim në errësirë”.
Nuk është shaka dhe as trillim. I ka kërkuar “takim në errësirë”, me qëllim bërjen e ndonjë pazari apo aleance politike për betejën elektorale të 25 prillit. Në dijeninë tonë takimi nuk u zhvillua pasi drejtuesi i PS-së e refuzoi duke e kuptuar se për cfarë bëhej fjalë. S’jemi duke thënë që ky drejtues i PS-së meriton dekoratë për besnikëri ndaj partisë, thjesht e sollëm në vëmendje të lexuesve tanë këtë cështje pët të ilustruar modelin e Vangjel Tavos, politikanit “fringo të ri”, që pas 20 vitesh në Kuvend pretendon ende që është e ardhmja, pretendon se qytetarët e duan, flet sikur s’ka mëkate politike dhe sillet sikur zbriti sot në tokë dhe befas gjeti një Shqipëri si mos më keq. Ky është miti i tij i rremë që kurrsesi nuk duhet besuar. Vangjel Tavo nuk mundet e as nuk di të ofrojë dicka të re e më të mirë nga ajo që ka bërë për 20 vite. Tavo i këtyre zgjedhje është kopja më e shëmtuar politike e Vangjelit që kemi parë në këto dy dekada.
©argjiroja.net
