Vangjel Tavo vijon intervistat në media pas nominimit të tij si kandidat i PS për Bashkinë Himarë. I pyetur në Abc News nga Sokol Balla nëse ai ndihet patriot shqiptar, Tavo dha këtë përgjigje.
“Po çfarë përgjigje pret Sokol. Si mund të mos ndihem unë. Unë Jam patriot shqiptar padyshim dhe po aq dhe patriot grek padyshim. Unë nuk jam ekstremist nacionalist i asnjë pale. Asnjëherë nuk kanë gjetur mbështetje te unë idetë nacionaliste. Kam kontribuar për këtë vend dhe për këtë popull në gjithë jetën time për aq kohë sa kam pasur mundësi të isha dhe përfaqësues. Unë kam qenë po aq deputet jo vetëm i Dropullit, po edhe i Gjirokastrës, Libohovës, Tepelenës e Përmetit. Nuk gjejnë dot mbështetje te unë teoritë ekstremiste nacionaliste”, deklaroi Tavo. ©Argjiroja.net
