Për herë të parë trupa e aktorëve të spektaklit ‘Portokalli’ ishte sot në Libohovë, ku dha shfaqje për banorët e kësaj zone, të cilët për rreth 2 orë u argëtuan me aktorët e njohur të humorit. Batuta, momente shumë të ndezura muzikore dhe disa interpretime spontane ishin pjesë e spektaklit ‘Verë dhe Portokalle’. Kryebashkiakja Luiza Mandi falenderoi aktorët dhe u kërkoi që ta përfshijnë Libohovën në turin e tyre veror edhe në vitet e ardhshme. Javën e kaluar aktorët dhanë shfaqje në Gjirokastër, ndërsa vijon turi në qytete të tjera të jugut të Shqipërisë.
© ArgjiroLajm.net